Azərbaycan Henley&Partners Pasport İndeksində mövqelərini bir qədər pisləşdirib - LİDERLƏRİN SİYAHISI

19 iyul 2022-ci ildə Henley & Partners şirkəti Beynəlxalq Hava Nəqliyyatı Assosiasiyasının (IATA) məlumatlarına əsaslanaraq 2022-ci ilin üçüncü rübü üçün Pasport İndeksinin nəticələrini təqdim etdi. Azərbaycan bu indeksdə 78-ci yerdədir, ötən rübdə isə ölkəmiz 75-ci yerdə idi.

Reytinqdə lider Yaponiyadır. Avropa İttifaqına (Aİ) üzv dövlətlər reytinqin ilk onluğundadır - Almaniya və İspaniya 190 vizasız istiqamətə çıxış imkanı ilə 3-cü yerdədir. Əfqanıstan sonuncu yerdə qalır və onun vətəndaşları dünyanın 27 ölkəsinə vizasız daxil olurlar. AB, Avstraliya, Kanada, Yaponiya, Yeni Zelandiya, ABŞ və Böyük Britaniyada viza çətinlikləri və hava məkanının bağlanması səbəbindən Rusiya pasportuna sahib olanların praktiki olaraq dünyanın qalan hissəsi ilə əlaqəsi kəsilib. Ona görə də ruslar bu istiqamətlərə getməkdə çətinlik çəkirlər. Onlar üçün İstanbul və Dubay mərkəzi tranzit məntəqələrinə çevrilib. Nəzəri olaraq, Rusiya pasportunun mövqeyi çox dəyişməyib - dünyanın 119 ölkəsinə vizasız girişlə reytinqdə 50-ci yerdədir. Ötən müddət ərzində Rusiya Albaniya, Beliz və Burundi ilə vizasız sazişlər bağlayıb.