Səudiyyə Ərəbistanı vizası olanlar ümrə ziyarəti edə biləcək - YENİ QƏRAR

Səudiyyə Ərəbistanı turizm və ziyarət məqsədi ilə gələnlərin ölkədə qaldıqları müddətcə ümrə ziyarəti edə biləcəklərini açıqlayıb.

Səudiyyə Ərəbistanının Həcc və Ümrə Nazirliyindən verilən yazılı açıqlamada, qərarın bu ilki ümrə mövsümünün başlaması ilə ümrə ziyarətlərini yerinə yetirmək üçün gələnlərin prosedurlarının asanlaşdırılması çərçivəsində qəbul edildiyi vurğulanıb. 

Bildirilib ki, sözügedən qərar bütün xidmətlərin yüksək keyfiyyətlə təqdim edilməsi, ümmətin mədəni və dini təcrübəsinin zənginləşdirilməsi səylərinin bir hissəsidir.

Səudiyyə Ərəbistanının istənilən hava limanından viza ala bilən ölkə vətəndaşları, həmçinin pasportlarında giriş möhürü olan ABŞ, Böyük Britaniya və Şengen vizası sahibləri bu şərtlə asanlıqla ümrə ziyarəti edə bilərlər.