Antalyada payız üçün görünməmiş istilər davam edir

Antalyada havaların isti keçməsi ilə əlaqədar şəhər sakinləri, yerli və xarici turistlər çimərliklərdə cəmləşib. Dünən oktyabrda son 83 ilin temperatur rekordu - 40,4 dərəcə ilə Antalyada istilər davam edib.

Havanın 33 dərəcə, dəniz suyunun temperaturu isə 27 dərəcə olan şəhərdə rütubət indeksi 36 faizdir. Havanın dəyişkən buludlu olmasına baxmayaraq, güclü istidən bezmiş vətəndaşlar və turistlər çimərliklərə axışıblar. Konyaaltı çimərliyində istirahət edənlərin çoxu sərinləmək üçün şezlonglarda və sahildə günəşlənir, tez-tez dənizdə çimirlər.